Nisi si një biznes familjar, por u kthye në një nga kompanitë më të mëdha në Shqipëri!
Fillimet modeste të Teoren datojnë në vitin 1994, në Laç, në një kohë kur njerëzit kishin filluar të ndërtonin shtëpitë e para private. Themeluesi Aristotel Çelo, duke paraprirë nevojën në rritje të tregut, solli pranë klientëve materiale elektrike.
Më pas, në vitin 1997, veprimtaria u zhvendos në qytetin e Durrësit, ku përveç materialeve elektrike u shtuan edhe ato hidraulike e hidrosanitare.
Në këtë udhëtim, djemtë e tij, Oresti dhe Endri, edhe pse në moshën e rinisë, kanë dhënë një ndihmesë të madhe për ta çuar biznesin e të atit përpara. Përpjekjet disavjeçare drejt një ëndrre të guximshme, morën formë në vitin 2005, kur Çelo krijoi kompaninë Teoren – një emër që do të bëhej sinonim i cilësisë dhe besueshmërisë.
Pas dy dekadash të suksesshme në treg, kjo kompani numëron mbi 60 marka të njohura, si Eglo, Ecosoft, TWT-Europe, Ceramica Dolomite, VitrA, Onsi Plast, dhe shumë të tjera. Çdo markë sjell produkte të standardeve më të larta, nga ndriçimi deri te filtrat e ujit, të krijuara për t’u përshtatur me çdo nevojë të klientëve. Madje, disa prej tyre janë “përqafuar” me aq shumë dashuri nga këta të fundit, sa u bë i domosdoshëm zgjerimi i aktivitetit në Tiranë, Durrës, por edhe jashtë Shqipërisë, në Kosovë e Maqedoni.
Duhet theksuar se, pas gjithë këtyre arritjeve, qëndron shpirti i bashkëpunimit që është mishëruar në vlerat e kompanisë. Por Teoren nuk është thjesht një kompani, është një familje e madhe me mbi 200 punonjës, disa prej të cilëve janë pjesë e saj prej më shumë se 15 vitesh. Kjo e bën atë një shembull të stabilitetit, përkushtimit dhe mundësive të krijuara për njerëzit që e ndërtojnë këtë sukses çdo ditë.
Për të shenjuar përvjetorin e 20-të, kompania organizoi një event të veçantë, ku u kremtua puna dhe përkushtimi i çdo individi që ka qenë pjesë e këtij rrugëtimi. Festa ishte një kurorëzim i arritjeve dhe një shtysë për të synuar edhe më lartë.
Sot, Teoren mbetet ende një familje e madhe dhe një histori suksesi që vazhdon të shkruhet me pasion, profesionalizëm e vizion për të ardhmen!