Një copëz italie në Shqipëri, ndriçuar nga Eglo!
Në qytetin e Kavajës, larg zhurmës dhe kaosit të përditshëm, ndodhet Sacro e Profano, një thesar i fshehur që ofron një udhëtim në kulturën italiane, e ndërthurur me mikpritjen dhe bukurinë e natyrës shqiptare. Ky vend nuk është thjesht një njësi agroturistike, por një vepër arti e krijuar me pasion dhe përkushtim, ku arkitektura, tradita dhe estetika jetojnë në harmoni.
Por, asnjë vepër arti nuk do të ishte e plotë pa dritën e duhur. Ndaj marka ndërkombëtare Eglo, pjesë e Teoren Group, solli zgjidhjen perfekte për të përforcuar bukurinë dhe veçoritë e agroturizmit Sacro e Profano. Me ndriçues të cilësisë së lartë, Eglo ka dhënë një kontribut të jashtëzakonshëm në realizimin e një atmosfere që të bën të ndihesh si në një tjetër “botë”.
Një rol kyç në realizimin e këtij projekti unik ka luajtur logjistika dhe organizimi i Eglo Albania. Ekipi ynë, i udhëhequr nga ekspertë të ndriçimit dhe teknikë të specializuar, ka siguruar një koordinim të përsosur për instalimin e ndriçuesve. Përgatitjet kanë përfshirë një planifikim të detajuar, duke siguruar që çdo zonë – nga dhomat e gjumit e deri te restoranti – të “vishet” me ndriçuesit e duhur.
Për të arritur rezultatet e dëshiruara, janë përdorur këto kombinime:
Ndriçues statik dhe komodine: për një dritë të butë dhe të ngrohtë. Me anë të tyre krijohet një ambient mikpritës, që i ofron mysafirëve të tij një komoditet maksimal.
Ndriçues të varur: për një dritë të sofistikuar. Abazhurët elegantë dhe ndriçuesit shtojnë një dimension tjetër në përjetimin e hapësirës përreth.
Çdo element është zgjedhur për të theksuar detajet arkitekturore e për të krijuar një ndjesi rehatie dhe luksi, duke e bërë Sacro e Profano jo vetëm një destinacion gastronomik, por edhe një eksperiencë vizuale dhe emocionale të paharrueshme!