Një kryevepër ndriçimi nga Eglo
Në zemër të Tiranës, ndodhet Mattis – një nga hotelet më të veçanta dhe mikpritëse të kryeqytetit. Ky hotel është ndërtuar për t’u ofruar mysafirëve një përvojë të veçantë, ku arkitektura bashkëkohore ndërthuret me detajet e rafinuara të dizajnit.
Një element thelbësor që i jep Mattis një identitet unik është ndriçimi, pasi luan një rol kyç në krijimin e një ambienti që reflekton elegancë dhe stil. Pikërisht këtu, vihet në pah puna e jashtëzakonshme e Eglo Albania, në bashkëpunim me arkitektin Elvis Mara. Falë punës së tij, projekti u realizua me sukses, duke përcaktuar së bashku me detaje dritën për 13 dhomat e hotelit, tualetet, hapësirat e ndenjes, barin dhe korridoret.
Ndriçimi është projektuar me një fokus të veçantë në elementët dekorativë, duke përfshirë ndriçues të varur mbi kokat e krevateve dhe ndriçim luksoz për hapësirat e dedikuara, si suitat dhe zonat private të hotelit. Kjo qasje ka mundësuar realizimin e një atmosfere të ngrohtë dhe të sofistikuar, duke e integruar dritën në mënyrë perfekte me elementët e dizajnit të brendshëm. Ndriçimi është përshtatur me kujdes me dekorin dhe ngjyrat e ambientit, duke bërë që burimi i dritës të mbetet i fshehur, por jo i padukshëm në efektin magjik që përcjell.
Ky projekt pasqyron mjeshtërinë e Eglo Albania dhe arkitektit Elvis Mara, ku funksionaliteti dhe estetika takohen për të krijuar një hapësirë që i bën vizitorët të ndihen si në shtëpinë e tyre!